一個人喺咩時候想被人遺忘呢?
係街上,唔想被人認到,見到識得既人,即刻掉到走;
一間食店,去得多都驚畀人認得;
甚至連隔離鄰舍我都唔想被佢地見到自己...
為乜?
一個人既童年成長真係好影響佢既未來
細細個爸爸就同鄰居果啲關係唔係咁好,
又不斷講佢身邊啲人既壞話(我唔知果啲究竟係咪事實既全部,但當事人如果聽到會聽唔入耳囉)
到大左啲,因為覺得自己間學校唔好,
永遠出街都頭耷耷,好驚畀人認到自己讀邊間學校
再大啲,連搭小巴,都唔敢叫停車...
再大啲,就發現頭耷耷,寒起個背,兩膊緊縮咁行路..已經變成一種習慣
生活係享受,每個人都有其生存空間,
日日出街驚見人驚畀人指指點點
不如留喺屋企好過
手機裡既聯絡人電話多到唔知搞邊個,
但一年裡面會打既電話號碼可能根本唔係個list路,
因為有心既自然會把NO.記上心,
這個星期,我係街上見到兩張熟悉既面孔,
我竟然手心冒汗,咁掉轉到走...
作賊心虛?!
我沒有欠她們任何東西,更沒有辜苦她們任何事情,
但為何有這樣的反射動作呢....?
